الشاعر منتظر الخطاط

هذي اوصافك حــــــــــــبيبي
بدون قيل بدون قـــــــــــــــال

بيدي ارسم كــــــ ـل صفاتك
وادري بس للــــــــــه الكمال

بوجهك بـــــــــــراءة كل طفل
مايعرف شــــــــيحمل جمال

كلماتك بــــــــٰـــوزن وقوافي
يابــــديهي بـــــــــــــأرتجال

وعيونك انفاس الســـــحاب
التروي وديان وتـــــــــــــلال

ابروحك المس جــــــــاذبية
تشدني لحبال الوصــــــال

اترتل بصوتك عذوبــــــــــة
يغــــــــــار من همسك بلال

ياخلايا العـــــــسل شفتك
ما عرف يوم الـــــــــــزوال

وبرمشك الظل دائـــــــمي
وتخجل نباتات الظــــــلال

تِملك اظافر صاغـــــــــت
ابصبعك عبارة كــــرنڤال

انفاسك اعتاب الجنوب
ايذوّب جبال الشمـــــــال

الله يادمك ســــــــــــٰــــٰـــهم
يلعب على اعصاب الغزال

شَعرك مجرات الفـــضــــــا
احتلت مسامات الخــــصال

وكل وردة مسّت ثوبــــــــــــك
اتفتحت تهانـــــــي واحتفال

وعن خدك ارجــــــــــو المعذره
مااگدر اضربلك مـــــــــــثال

تفاحة آدم؟؟؟ للاســــــــف
صارت تأكســـــد واخــتزال

الحاجب اوشاح العـــــيون
وعنده بالرب اتصــــــــــــال

الســــيوف أرحم و أرحم
يا هـــــــــــلال بنص هلال

احساسك المرهف سواحل
داعب بموجه الــــــــرمال

بالتواضع تجبر انسور
القمم تنسى الجــــــبال

وبالبسمة تزرع بالامل
ويشب بأمانينا المحال

وبالنظرة اتغزل مثل
لما المدى يغازل مجال

هذي تدري اوصافك انت
وادري بس لله الكـــــمال

وادري بيك وتدري بيا
لكن اسمحلي بسؤال

هم تحس انت بعذابي
كل هلسنين الطوال ؟؟؟

جاوبني اريد استنشقك
دخان انا بوهم الخيال

ارحمني دگ اعلى الجرس
وانهيني من هذا النـــــزال

منتظر الخطاط/بغداد